मोशी -: मोती येथील संत नगर येथे अनंत कोटी ब्रम्हांडनायक चॅरिटेबल ट्रस्ट तर्फे आयोजित 'श्री स्वामी समर्थ प्रकटदिन सोहळा' एक अत्यंत भक्तिमय आणि उत्साही वातावरणात संपन्न झाला. हजारो भक्तगणांनी स्वामींच्या चरणी नतमस्तक होऊन या भक्तिरसाचा आनंद घेतला. या पवित्र सोहळ्याने प्रत्येक भक्ताच्या हृदयात दिव्यतेचा आणि भक्ति भावनेचा संचार केला. 
कार्यक्रमाच्या प्रमुख पाहुण्यांमध्ये दमदार आमदार श्री महेशदादा लांडगे, श्री कार्तिक लांडगे, हिंदुतेज सूर्य श्री धनंजय भाई देसाई, सचिन जी गायकवाड ऋषिकेनिकर अमोल उदमले सचिन कर्नोर गणेश चोरगे आकांक्षा शिंदे आणि प्रसिद्ध रील स्टार्स आर्या घारे आणि प्रतिक्षा थोरात* यांची उपस्थिती उल्लेखनीय होती. त्यांनी आपल्या मनोगतातून श्री स्वामी समर्थांच्या कृपेचा, भक्तीचा, सेवा आणि समाजसेवेचा महत्त्वपूर्ण संदेश दिला, ज्यामुळे सोहळ्याला एक आदर्श सामाजिक आणि धार्मिक दृष्टिकोन मिळाला.
सोहळ्यात महाप्रसाद, पालखी मिरवणूक, स्वामी सेवा, भजन, नामस्मरण, आणि कीर्तन यांसारख्या विविध धार्मिक आणि सांस्कृतिक कार्यक्रमांचा समावेश होता. विशेषतः स्वामी समर्थ महाराजांच्या पादुका मिरवणूक, जी पूर्ण संत नगर परिसरतून काढण्यात आली, ती अत्यंत आकर्षक आणि भक्तिरसाने ओतप्रोत भरलेली होती. स्वामींच्या पादुकांच्या मिरवणुकीला हजारो भक्तांनी हजेरी लावली आणि पालखीच्या मागे नाचत, गात, जयजयकार करत आले. या मिरवणुकीला संत नगरच्या प्रत्येक गल्लीत, वळणावर, आणि चौकात एक विशिष्ट भक्तिरसाची लहर पसरली.
पालखीच्या मागे श्रद्धाळु, संप्रदाय आणि सेवा भावाने एकत्र येऊन, भक्तिमय वातावरण निर्माण करत होते. यामुळे मिरवणूक केवळ एक धार्मिक परंपरा नसून, ती त्या परिसरातील एक आदर्श धार्मिक आणि सामाजिक सोहळा बनला.
कार्यक्रमाच्या यशस्वी आयोजनासाठी श्री पंकजभाऊ शिवाजी पवार आणि सर्व सेवेकरी यांनी अतिशय मेहनत घेतली. त्यांच्या समर्पणामुळेच हा भक्तिरसाचा सोहळा अधिक भव्य आणि मंगलमय झाला.
0 Comments